փախստական
Հայերեն
- ՄՀԱ՝ [pʰɑχstɑˈkɑn]
Դասական ուղղագրութեամբ՝
վանկեր՝ փա•խ(ը)ս•տա•կան
Ստուգաբանություն
խմբագրելԱծական
- որևէ տեղից՝ թշնամիների և այլն փախած ու մի տեղ ապաստանած (մարդ)
- աղետ՝ հալածանքի և այլն պատճառով մշտական բնակավայրի հեռացած՝ արտագաղթած մարդ, գաղթական
- բանտից՝ աքսորից և այլն փախած մարդ
- դատից՝ դատաստանից խուսափած՝ թաքնված մարդ
- դասալիք
- (փխբ․) փախչող, խուսափող, անհասանալի (բան)
- (սոցաշխ․) որևէ երկրից այլ երկիր ժամանած կամ ժամանել ցանկացող անձ, որը չունի այդ երկրի քաղաքացիություն, ստիպված է եղել կամ մտադրություն ունի լքել իր մշտական բնակության վայրը և տեղափոխվել այլ պետության տարածք՝ ռասսայական կամ ազգային պատկանելության, դավանանքի, լեզվի, ինչպես նաև որոշակի սոցիալական խմբի կամ քաղաքական համոզմունքի հատկանիշներով բռնության կամ այլ հետապնդման իրական ու հնարավոր վտանգի ենթարկվելու երկյուղի հետևանքով
- (միգ․) այն անձը, որը ռասայի, կրոնի, քաղաքացիության, որոշակի սոցիալական խմբի կամ քաղաքական հայացքի հարելու պատճառով հետապնդվել ու հիմնավորված երկյուղի հետևանքով գտնվում է իր քաղաքացիության երկրից դուրս և անկարող է կամ, նման երկյուղի պատճառով, չի ցանկանում օգտվել այդ երկրի պաշտպանությունից
- տե՛ս նաև դիմող, դե ֆակտո փախստական, տեղահանված անձ, հարկադիր միգրացիա, առերևույթ, շրջիկ փախստական, փախստականի կարգավիճակի որոշում, տարանցող փախստական, «տեղում» փախստական, արմատներից կտրված մարդ
- (պաշտանվ․) անձ, որը հիմնավոր երկյուղ ունի, որ ռասայի, կրոնի, քաղաքացիության, որոշակի սոցիալական խմբի պատկանելության կամ քաղաքական համոզմունքների հետևանքով հալածանքների զոհ է դառնալու, և այդ պատճառով գտնվում է իր քաղաքացիական պատկանելության երկրից դուրս և չի կարող օգտվել այդ երկրի պաշտպանությունից կամ նշված երկյուղի պատճառով չի ցանկանում օգտվել այդ պաշտպանությունից, չի կարող կամ վերը նշված երկյուղի պատճառով չի ցանկանում վերադառնալ իր նախկին սովորական բնակության երկիր
- (ռազմ․) քաղաքացիական անձ, որն իր կամքից անկախ պատճառներով գտնվում է իր պետության սահմաններից դուրս
- անձ, որը իրական կամ երևակայական վտանգի պատճառով լքել է իր հայրենիքը կամ իր քաղաքացիության երկիրը և չի կամենում կամ չի կարող վերադառնալ այնտեղ
Հոմանիշներ
խմբագրել- գաղթական, բռնագաղթյալ, վտարանդի, աստանդական, փախստական, փախստյա (արևմտհ․)
- փախչող
- տե՛ս փախստական (1)
- ծպտյալ, ծպտի
- հալածական, դատարկուն, ղաչաղ (գվռ․)
- խուսափու, խուսափուկ, պոչը պրծացնող (գվռ․)
Արտահայտություններ
խմբագրել| Բաղադրյալ բառեր | |
| Թարգմանություններ | |
| |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Աշոտ Եսայան, Սոցիալական ոլորտի բառարան («Հույսի կամուրջ» ՀԿ), Երևան, 2005 — 344 էջ։
- Միգրացիայի ոլորտի տերմինների բառարան, Գյումրի, «Միգրացիայի Միջազգային Կազմակերպություն», 2013 — 175 էջ։
- Դ․Ս․ Չիլինգարյան, Ե․Լ․ Երզնկյան, Պաշտպանական-անվտանգային տերմինների հայերեն-ռուսերեն-անգլերեն բացատրական բառարան, Գյումրի, «ՀՀ ՊՆ ռազմավարական հետազոտությունների ինստիտուտ», 2015 — 1196 էջ։
- Վ․Վ․ Փիլիպոսյան, Մարդու իրավունքների անգլերեն-ռուսերեն-հայերեն բացատրական բառարան («Երիտասարդ ինտելեկտուալների միություն» հիմնադրամի մատենաշար), Երևան, 1997 — 67 էջ։
- Արծրուն Խանջյան, Ռազմական տերմինների անգլերեն-հայերեն համառոտ բացատրական բառարան, Երևան, 2009 — 39 էջ։
- Ալինա Մուրադյան, Նորածանոթ բառերի բացատրական բառարան (Իմաստասեր Անանիա Շիրակացի համալսարան), Երևան, 2006 — 60 էջ։