փունջ
Հայերեն
- ՄՀԱ՝ [pʰund͡ʒ]
Դասական ուղղագրութեամբ՝ փունջ
վանկեր՝ փունջ
Ստուգաբանություն
խմբագրելԾագումն անհայտ է։
Գոյական
- խնամքով և որոշ ձևով դասավորած ու կապած ծաղիկների տրցակ, ծաղկեփունջ
- կանաչեղենի, խոտի և այլն որոշ մեծությամբ կապուկ, խրձիկ
- բույսի արմատից փնջաձև աճած ցողուններն իրենց տերևներով ու ծաղիկներով
- առհասարակ, որևէ բանի առանձին մասերի փնջաձև ամբողջություն ◆ Ծառի գագաթին թարմ ճյուղերը գեղեցիկ փունջ էին կազմել։ ◆ Ցախավելի փունջ:
- նույնն է՝ ծաղկաբույլ
- մի ծայրով իրար հետ կապած թելերի ամբողջություն, ծոպ
- մազերի խոպոպ, իրար հետ մի ամբողջություն կազմող մազեր ◆ Աջ ու ձախ կողմերից դեպի ուսերն էին ձգվում գանգուրների երկու հաստ փնջեր:
- մարդկանց խումբ, որևէ բանով իրա հետ կապված, միասնություն կազմող, իբրև մեկ ամբողջություն առնվող մարդիկ ◆ Խիզախների փունջ: (փխբ․)
- որևէ բանի հավաքածու ◆ Բանաստեղծությունների, ընտիր երգերի, նվագների փունջ: (փխբ․)
- ճառագայթաձև իրարից հեռացողմիատեսակ բանի առանձին միավորների, մասերի ամբողջություն ◆ Ճառագայթների, շողերի, կնճիռների փունջ: (փխբ․)
- առանձին մարզական խմբերի, թիմերի որոշ սկզբունքով կազմվող խմբավորում (փխբ․)
- առհասարակ՝ որևէ բանի փոքր տրցակ, կապուկ
- տե՛ս խմբավորում
- (խոհր․) մի քանի մթերքներից պատրաստած, սննդարար, համեմունքներով բուրավետ և համով թանձր կերակուր
Հոմանիշներ
խմբագրել- տրցակ, ծաղկեփունջ, կապոց, կապուկ, դաստա, ջով (որոշ ձևով, կարգով դասավորված և կապված ծաղիկների կապուկ) (գվռ.)
- կապուկ, կապոց, տրցակ, խրձիկ, խրձակ (բույսի, կանաչեղենի)
- տե՛ս ծաղկաբույլ
- խոպոպ, մազափունջ, խոպոպիք. փուփուլ, փուփուշ, քանքուլ, քյաքուլ (իրար հետ ամբողջություն կազմող մազեր) (ժղ․) (գվռ.)
- ծոփ. փյուսկուլ (մի ծայրից հավաքված և կապված կարճ թելեր) (գվռ.)
- տե՛ս ժողովածու
- տե՛ս խումբ
- խումբ, խմբավորում (թիմերի որոշ սկզբունքով կազմված) (մարզ.)
- պունշ (ռոմից և այլ խմիչքներից, համեմունքով պատրաստվող)
Արտահայտություններ
խմբագրել- փունջ կազմել - տե՛ս փնջել
| Ի արտաքին հոլովում | ||
| Եզակի թիվ | Հոգնակի թիվ | |
| Ուղղ. | փունջ(ը) | փնջեր(ը) |
| Սեռ. | փնջի | փնջերի |
| Տր. | փնջի(ն) | փնջերի(ն) |
| Հայց. | փունջ(ը) | փնջեր(ը) |
| Բաց. | փնջից | փնջերից |
| Գործ. | փնջով | փնջերով |
| Ներգ. | փնջում | փնջերում |
| Բաղադրյալ բառեր | |
| Թարգմանություններ | |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։