ավանդ

Հայերեն

Դասական ուղղագրութեամբ՝ աւանդ

վանկեր՝ ա–վանդ 

Ստուգաբանություն

թերևս բնիկ հնդեվրոպական՝ * o-bhendh-՝ * bhendh- «կապել» արմատից. հմմտ. հին հնդկերեն bandhá «կապ, ավանդ», սակայն հնարավոր է բառի իրանական ծագումը միևնույն արմատից։

Գոյական

1. դրամական գումար կամ արժեթղթեր, որոնք հանձնվում են բանկերին կամ խնայդրամարկղներին՝ ի պահ
2. դատական հիմնարկները (նոտարական գրասենյակ) մուծվող գումար՝ պահանջատերերին հանձնելու կամ պահելու համար (դեպոզիտ) (իրավ․)
3. (փխբ․) Գիտության՝ արվեստի՝ հասարակական գործի մեջ ներդրված արժեքավոր՝ նշանավոր բառ, ներդրում
4. պատվեր, խրատ, հանձնարարություն (հնց․)
5. նվիրաբերություն (հնց․)
6. պատմականորեն ձևավորված ու սերնդե–սերունդ փոխանցվող սովորույթների՝ հայացքների՝ կենցաղային կանոնների և այլնի ամբողջություն
7. պատմականորեն հաստատված հարգ, չգրված օրենք
8. ավանդազրույց
9. ժողովրդական բանահյուսության մի տեսակը՝ փոքրածավալ արձակ ստեղծագործություն (գրկն․)
10. տիրոջ մահվանից հետո մնացած և ուրիշին հանձված՝ ժառանգված նյութական հարստություն՝ ունեցվածք
11. ժառանգականորեն նախորդից անցած՝ մնացած հատկանիշ՝ հատկություն
12. նախորդից թողնված՝ մնացած իր՝ առարկա և այլն
13. (փխբ․) Նախորդ սերունդներից՝ գործիչներից մնացած գիտության՝ մշակույթի՝ արվեստի արժեքներ
14. (փխբ․) անցյալից մնացած կենցաղային մնացորդներ՝ սովորույթներ՝ ավանդույթներ
15. ժառանգ լինելը
16. ժառանգական կալվածք (պատմ․)
17. (սակ․) դրամական միջոցներ կամ արժեթղթեր, որոնք տրվում են պահպանման ֆինանսա-վարկային, մաքսային, դատային կամ այլ ադմինիստրատիվ կազմակերպություններիրն
18. (բանկ․) ֆինանսական և իրավաբանական անձանց (քաղաքացիների, ձեռնարկությունների, կազմակերպությունների) ժամանակավորապես ազատ դրամական միջոցները, որոնք որոշակի պայմաններով տրամադրվում են բանկերին կամ պահվում են վարկային հիմնարկություններում
19. (ֆին․) այն միջոցներն են, որոնք թողնվել են որևէ բանկում կամ այլ ֆինանսական կազմակերպությունում՝ պահելու կամ տոկոսներ ստանալու նպատակով

Հոմանիշներ

1. պատվեր, պատվիրան, կամք, խրատ, հրաման։ Ավանդություն
2. գրավ, գրավական
3. ավանդ, վաստակ

Արտահայտություններ

1. ավանդ մուծել- 1. Խնայդրամարկղը դրամ մուծել՝ ի պահ։ 2. (փխբ․) Որևէ կարևոր գործին իր նպաստը մատուցել
2. ավանդ թողնել- ավանդել, պատվիրել

Թարգմանություններ
անգլերեն՝ deposit գերմաներեն՝ դանիերեն՝ իսպաներեն՝ իտալերեն՝ հոլանդերեն՝ հունարեն՝ շվեդերեն՝ պորտուգալերեն՝ ռուսերեն՝ вклад (ru) ‎(vklad), завет (ru) ‎(zavet), предание (ru) ‎(predanije), сказание (ru) ‎(skazanije), легенда (ru) ‎(legenda), традиция (ru) ‎(tradicija), ритуал (ru) ‎(ritual), традиционный обряд (ru) ‎(tradicionnyj obrjad), депозит (ru) ‎(depozit) վրացերեն՝ ֆրանսերեն՝

Աղբյուրներ

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Սակարկային տերմինների ռուս-հայերեն բացատրական բառարան, Գյումրի, ««Իմաստասեր Անանիա Շիրակացի» համալսարան», 2011 — 89 էջ։
• Դանիել Ջհանգիրյան, Բանկային տերմինների բացատրական բառարան, Երևան, «Նոյյան տապան», 2008։
• Արեն Կոբալյան, Իրավաբանական համառոտ բացատրական բառարան, Վանաձոր, 2005 — 80 էջ։
• Ա․Հ․ Բայադյան, Ֆինանսական բացատրական բառարան, Երևան, «Ասողիկ», 2004 — 334 էջ։