երեխա
Հայերեն
Արտասանություն
ՄՀԱ: []
վանկեր՝ ե.րե.խա
Ստուգաբանություն
խմբագրելՓոխառություն, բայց բուն աղբյուրը չի հավաստված. հմմտ. միջին պարսկերեն raxīk (rahīk) «տղա, ծառա»։ Աճառյանը ենթադրում է ասորերեն *raxā ձև, որից փոխառված են հայերեն ձևը և միջին պարսկերեն raxīk-ը։ Սրա հետ թերևս նույնն է Բեհիստունի արջանագրության մեջ պարսկական Դարեհ թագավորի հիշատակած Արախա-ն՝ Հալդիտայի որդու անունը։ Հազիվ թե կապ ունենա ակկադերեն rehu(m) «ծնել» բայից ածանցված որևէ ձևի հետ։
Գոյական
- նորածին աղջիկ կամ տղա
- փոքրահասակ՝ պատանեկան հասակին չհասած աղջիկ կամ տղա
- որևէ հասակի աղջիկ կամ տղա՝ իր ծնողների համար
- (փխբ․) անփորձ՝ մանկամիտ՝ միամիտ մարդ
- տասնութ տարին չլրացած ցանկացած անհատ, եթե երեխայի նկատմամբ կիրառվող օրենքով չափահասության տարիքը չի լրանում ավելի վաղ («Երեխայի իրավունքների մասին» ՄԱԿ-ի 1989 թվականի կոնվենցիայի 1-ին հոդված)
- տե՛ս նաև առանձնացված երեխաներ, առանց չափահասի ուղեկցության երեխա
Ածական
- անչափահաս, դեռահաս
- (խսկց․) երեխայական
Հոմանիշներ
խմբագրել- մանուկ, մանկիկ, փոքրիկ
- զավակ, որդի
- նորածին, կաթնակեր
- (բրբ․) Գրկանոց, ծծկան, խոխա
- (հզվդ․) Մանչ, ճիժ, պիժ, լաճ, խոխա
Արտահայտություններ
խմբագրել| Թարգմանություններ | |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Միգրացիայի ոլորտի տերմինների բառարան, Գյումրի, «Միգրացիայի Միջազգային Կազմակերպություն», 2013 — 175 էջ։