բարձրացնել
Հայերեն
- ՄՀԱ՝ [bɑɾd͡zɾɑt͡sʰˈnɛl]
Դասական ուղղագրութեամբ՝
վանկեր՝ բարձ•րաց•նել
Ստուգաբանություն
խմբագրելԲայ
- բարձրանալ-ի ներգործականը
- ցած տեղից շարժել, տանել դեպի վեր ◆ Արտակը բարձրացրեց պատենից պլոկած սուրը։ Դերենիկ Դեմիրճյան ◆ երեխային աստիճաններով բարձրացնել
- երկարացնել դեպի վեր, բարձրությունը ավելացնել ◆ պատը բարձրացնել ◆ շենքը բարձրացնել
- ամբառնալ, խոյացնել, օդի մեջ հանել ◆ Մասիսը իր ձյունափայլ գագաթը բարձրացրել է մինչև երկնքի կապույտը։
- առաջ քաշել, նշանակել բարձր պաշտոնի ◆ Նրան տնօրենի պաշտոնին բարձրացրին:
- պառկած կամ նստած տեղից վեր կացնել, կանգնեցնել ◆ Վահանը երկու ձեռքով վրա ընկավ քրոջ ուսերին և բարձրացրեց նրան։ (Նար-Դոս)
- շատացնել, ավելացնել, վարար դարձնել, հորդացնել ◆ Հեղեղները գետի ջրերը բարձրացրին։
- հավելել, հավելում կատարել ◆ աշխատավարձը բարձրացնել
- թանկացնել, գինն ավելացնել ◆ Շուկայում չարաշահողները մթերքների գները բարձրացրին։
- առաջացնել, առաջ բերել, արձակել, տարածել (ձայնի մասին) ◆ աղմուկ բարձրացնել
- սաստկացնել, ուժեղացնել ◆ Ջանիկը ավելի բարձրացրեց հաստոցի արագությունը։ (Բոգդան Վերդյան) ◆ ճնշումը բարձրացնել
- սուր, հնչեղ, զիլ դարձնել (ձայնի մասին)
- համբավել, գովել, հեղինակավոր դարձնել ◆ Ժողովուրդ Գարդմանա, — բացականչեց իշխանը, — ես բարձրացրի քո անունը իմ հաղթություններով։ Դերենիկ Դեմիրճյան ◆ Նրան շատ են բարձրացնում:
- առաջադրել, առաջ քաշել, հարուցել ◆ հարց, խնդիր բարձրացնել
- որևէ քանակով բեռ վերցնելու կարողություն ունենալ (նավի վագոնի մասին)
- վերցնել գետնից, հատակից (ընկած առարկաների մասին) ◆ Վահանը արագ կռանալով բարձրացրեց Զարուհու ծնկներից ցած ընկած բարձը։ (Անահիտ Սահինյան)
- վերցնելով տեղափոխել բարձր տեղ, վերև տանել ◆ կղմինդրը տանիք բարձրացնել
- ավելի բարձր դիրք, դրություն տալ, դեպի վեր քաշել, ծածկոցը վերցնելով բացել ◆ երեսի շղարշը բարձրացնել
- պահած տեղից, (արխիվից և այլն) հանել, վերցնել ◆ փաստաթուղթը, անձնական գործը բարձրացնել (նոր անհնձն.)
- որոշակի ծանրություն գետնից կտրել և գլխից վեր տանել ◆ Ծանրորդը բարձրացրեց 190 կգ։ (սպորտ․)
- լավացնել, բարելավել ◆ Անհրաժեշտ է կտրուկ կերպով բարձրացնել կերպարվեստագիտության մակարդակը, որը դեռևս ետ է մնում մեր արվեստի զարգացումից։
- առավել դարձնել, ավելացնել, մեծացնել ◆ հմայքը բարձրացնել
- հերկել , մշակել ◆ բարձրացնել խոպանը (ռսբ․)
- պարզել ◆ Մեր վիթխարի դարը ահա… բարձրացրել է որպես վահան, հսկա անունը Լենինի։ Եղիշե Չարենց (փխբ․)
- առաջ մղել, բարձր մակարդակի, աստիճանի հասցնել ◆ Նա խոստացավ սովխոզը բարձրացնել շահութաբեր տնտեսությունների շարքը։ (Սով. Հայ.)
- բարձունք, բարձրություն կազմել, ձևացնել, գոյացնել ◆ (Ամպերը)… ինչպես փոքրիկ կղզյակներ հանդարտիկ ծովում հեզ ալիքներից մերթ բարձրացնում են իրանց բլրակներ մերթ կորչում են մութ հորիզոնում։ Հովհաննես Հովհաննիսյան
Հոմանիշներ
խմբագրել- վեր տանել, վեր հանել, վեր քաշել, վեր մղել (հեղուկը)
- առաջ քաշել (պաշտոն)
- ոտքի կանգնեցնել
- վերցնել (գետնից)
- ամբառնալ (հնց․)
Արտահայտություններ
խմբագրել- բերքատվությունը բարձրացնել
- մեկի անունը բարձրացնել, մեկին բարձրացնել
- ոգին բարձրացնել
- գինը բարձրացնել
- աստիճան բարձրացնել
- գլուխ բարձրացնել
- դրոշակ բարձրացնել
- ձայն բարձրացնել
- ձեռք բարձրացնել
- փոշի բարձրացնել
| Բաղադրյալ բառեր | |
| Թարգմանություններ | |
| |
| Խոնարհում | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։