սրբել
Հայերեն
- ՄՀԱ՝ [sɾbɛl]
Դասական ուղղագրութեամբ՝
վանկեր՝ ս(ը)ր•բել
Ստուգաբանություն
խմբագրելԲայ
- որևէ բանի խոնավությունը՝ թացությունը վերացնել, ցամաքեցնել, չորացնել ◆ Արցունքները սրբել: Քրտինքը սրբել:
- կեղտը՝ փոշին ևն որևէ բանով հավաքել՝ մաքրել ◆ Հատակը՝ պահարանի ապակիները սրբել:
- ավելորդ իրերը վերցնել՝ հավաքել՝ դեն ձգել, անպետք բաները դեն ածել ◆ Դարակը՝ պահարանը՝ արկղը սրբել:
- մեղքերը՝ հանցանքը ևն վերացնել՝ ի չիք դարձնել ◆ Կգնանք հայրենիք, կսրբենք այս կեղծիքը Դերենիկ Դեմիրճյան
- թերությունները՝ արատները՝ արատավոր կողմերը վերացնել, սրբացնել, ազնիվ՝ վեհ դարձնել ◆ Այդպես չի այսօր շարքերով իր կուռ սրբում նա իրեն պայքարի բոցում։ Եղիշե Չարենց
- (փխբ․) քշել-տանել, իր հոսանքով՝ ընթացքով ամբողջը տանել ◆ Ալիքները փշրվեցին նեղուցի վրա, իրենց ճանապարհին սրբելովգյուղերն ու անտառները։(Ավետիք Իսահակյան)
- (փխբ․) բոլորը ի մի հավաքել՝ ժողովել, հավաքել (մի տեղ տանելու, մի տեղից քշելու և այլն համար) ◆ Ոչ աստծուն նայեց, ոչ մեզ, սրբեց բերավ ողջ տեղահան։ Հովհաննես Թումանյան
- (փխբ․) ոչնչացնել ◆ Ասավ ու քաշեց իր ուսի բարդին, սրբեց բանակից մի քսան վրան։ Հովհաննես Թումանյան
- (փխբ․) ջնջել, ջնջոցով մաքրել ◆ Գրատախտակը սրբել:
- (փխբ․) վերացնել, ջնջել ◆ Ժամանակի ձեռքը անտարբեր կսրբե, կավլե պիղծ հետքերը։ (Ավետիք Իսահակյան)
- (փխբ․) դադարեցնել ◆ Մռայլ մտքերը սրբեցին տարան ծիծաղը։ (Ժիրայր Ավետիսյան)
- (փխբ․) ամբողջությամբ ուտել (կամ խմել), ուտելիքը՝ խմելիքը ամբողջությամբ մաքրազարդել՝ մաքրել ◆ Փլավը քշեցին, հետը պանիր էր բերել, էն էլ սրբեցին: (Ղազարոս Աղայան)
- (փխբ․) բոլորը տանել՝ վերցնել՝ հավաքել (թալանել, կողոպտել և այլն) ◆ Մի ուրիշ տան ոչինչ չկար, սրբել, տարել էին։(Ակսել Բակունց)
- մատներով՝ հացի պատառով և այլն ամանի մնացածը մաքրել-ուտել ◆ Հորթարածը կաթսայում մնացածն էր սրբում մատներով և մատները լիզում։ (Ակսել Բակունց)
- (խոհր․) մաքրել, մնացորդները սրբել, հեռացնել
Հոմանիշներ
խմբագրել- մաքրել, մաքրագործել, իստակել (գվռ․)
- ցամաքեցնել, չորացնել
- ջնջել
- հավաքել, վերցնել
- վերացնել, ի չիք դարձնել
- տե՛ս քշել, տանել
- տե՛ս ոչնչացնել
- տե՛ս վերացնել
- տե՛ս ուտել, մաքրազարդել
- տե՛ս թալանել, կողոպտել
Արտահայտություններ
խմբագրել| Բաղադրյալ բառեր | |
| Թարգմանություններ | |
| |
Աղբյուրներ
խմբագրել- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։