խնդիր
Հայերեն
- ՄՀԱ՝ [χndiɾ]
Դասական ուղղագրութեամբ՝ խնդիր
վանկեր՝ խ(ը)ն•դիր
Ստուգաբանություն
խմբագրելՀազիվ թե կապ ունենա հնդեվրոպական *ken- «ջանալ, ձգտել, շտապել» կամ *ken- «քերել, քերթել, տրորել» («փորփրել» > «որոնել») արմատներից մեկի հետ՝ *k>*kh անցումով։
Գոյական
Խնդրանք․պահանջ․ցանկություն․
- նույնն է՝ խնդիրք ◆ Ոչ մի խնդիր և ոչ մի աղերս չէր կարող փափկեցնել նրա սիրտը։ (Ակսել Բակունց) ◆ Հայերը մի քանի անգամ կրկնեցին իրենց խնդիրները։ (Րաֆֆի)
- (հնց․) խնդրագիր, դիմում ◆ Հարկավոր էր խնդիր ուղարկել ամենաբարձր տեղը։ (Ակսել Բակունց)
- այն, ինչ որ տրվում՝ առաջարկվում է կատարելու, այն ինչ որ պահանջում է կատարում՝ լուծում ◆ Հետպատերազմյան հնգամյակի խնդիրները շատ դժվար էին։ Նա իր առաջ դրված մարտական խնդիրն է լուծում։ (Գարեգին Սևունց)
- հետազոտության՝ քննության առարկա հանդիսացող հարց ◆ Նա պատից պոկեց, մի ծեփի կտոր և սկսեց հատակի վրա մաթեմատիկական խնդիրներ լուծել։ (Գարեգին Սևունց) ◆ Թվաբանական խնդիրների ժողովածու։
- որոշ տվյալների վրա հիմնվելով ու որոշակի պայմանների պահպանումով լուծելու համար դրված առաջադրանք՝ հարց ◆ (սովորաբար մաթեմատիկական բնույթի) ◆ Խնդիրը փողն է, մնացածը հեշտությամբ կլուծվի։
- դժվար վիճակ՝ դրություն, դժվարություն ◆ Խնդիրը պարսնի նվիրած բանաստեղծության մասին էր։ (Րաֆֆի) ◆ Օգտակար չլրցա ըլլալ ձեզի դատական խնդրյուն մեջ։ Տիգրան Կամսարական
- վեճ, վիճաբանություն ◆ Պոլսի մամուլի մեջ կը հուզվեր հայկաթոլիկներու խնդիրը։ (Վահան Թոթովենց)
- (հնց․) գործ ◆ Միշտ ի խնդիր ռիեզերքի անհատում խորհուրդների, հրաշքների իմացան` երանելին Ավգուստինոս ծովափում մտալլուկ դեգերում էր մի անգամ։ (Ավետիք Իսահակյան)
- (հնց․) լուծում, բացատրում ◆ Անիկա երկար լռութենե հետո ըսավ.- դուք գնացեք, ես խնդիրը կը հասկնամ։ (Վահան Թոթովենց)
- (ներգոյական հոլովով կապական բառ) մեջ, հարցում ◆ Բինան զադեն դատարանում իրեն արժանավայել պահելու խնդրում ուզում էր նմանվել Ազադիին։ (Գարեգին Սևունց)
- (քրկն.) նախադասության երկրորդական անդամ, որ ցույց է տալիս գործողության հետ կապված առարկա ◆ Կարողնում էր շատ հեռուն գնացող խնդիրները առաջ քաշել։ (Գարեգին Սևունց)
- ◆ Մտքի խորքում միաժամանակ բարձրանում է նոր խնդիր։ ՍԲ
- ◆ Ղուլամյանը ապահարգանքի խնդիր էր բարձրացել։ (Շիրվանզադե)
- ◆ Նրանք խնդիր էին բարձրացրել դպրոցների դահլիճները տրամադրել իրենց։ (Անահիտ Սահինյան)
- ◆ Կառավարությունը խնդիր է դրել` ամենակարճ ժամկետում վերացնել անգրագիտությունը։ Խաչիկ Դաշտենց
- ◆ Խնդիր է հիմալ, թե մեր քնահարը ուզված աստիճանի վրա է։ (Միսաք Մեծարենց)
- ◆ Խնդիր եղավ և հարցվեցավ, թե Անդրանիկ Ֆեներճյան հայկաբան էր, թե բանաստեղծ։ Տիգրան Կամսարական
- ◆ Այդ խնդիրը նրա գլխում ծագել էր դեռ նախորդ օրվանից։ (Նար-Դոս)
- ◆ Ազնվականների ժառանգություննների որոշելու խնդիր էր ծագել։ (Րաֆֆի)
- ◆ Սիրո խնդիր հանելով չարաչար պիտի ծաղրես զիս։ Տիգրան Կամսարական
- ◆ Երկու սագ և չորս կով մեծցուցած ըլլալով դաստիարակության խնդիր կը հուզեն։ Հակոբ Պարոնյան
- ◆ Ոսկի մը տվին քահանային ու խնդիր չմնաց։ (Գրիգոր Զոհրապ)
- ◆ Աղքատը դատարանին խնդիր տալիս դրոշմատուրք չի վճարում։ (Ակսել Բակունց) ◆ Ասացի, որ դատարանին խնդիր տա։ (Շիրվանզադե)
- ◆ Ամուսնույս բացած չեմ այս խնդիրը, որպեսզի նորանոր կռիվներու առիթ չտամ։ Հակոբ Պարոնյան
- ◆ Հացի խնդիրը կլանել է գյուղացուն։ (Նար-Դոս)
- ◆ Դու իմ վերջին խնդիրը հարգեցիր։ (Մուրացան)
- ◆ Ահա թե խնդիրը ինչումն է։ (Գարեգին Սևունց)
- ◆ Բայց ինք խնդրույն գալ կուզեր։ Տիգրան Կամսարական
- (բրվք․) համայնքում բարեվարքության կառուցման (ՀԲԿ) մոնիթորինգի աշխատանքների համար խնդիրները կոռուպցիայի կամ ոչ արդյունավետ կառավարման դեպքերն են, որոնք անհրաժեշտ է բացահայտել
Հոմանիշներ
խմբագրել- առաջադրանք, առաջադրություն,
- հարց, պրոբլեմ
- տե՛ս հիմնահարց
Արտահայտություններ
խմբագրել- խնդիր դնել - առաջարկել, հանձնարարել
- որոշել, ստանձնել, հանձ առնել
- խնդիր լինել - վիճելի, կասկածելի լինել
- հարց դրվել, առաջանալ՝ ձևավորվել
- խնդիր հանել - հարց առաջ քաշել
- խնդիր հարուցել - հարց բարձրացնել,
- տե՛ս խնդիր արծարծել
- խնդիր հուզել -
- տե՛ս խնդիր արծարծել
- խնդիր մատուցել - խնդրագիր՝ դիմում ներկայացնել
- խնդիր չմնալ - հարցը փակվել՝ վերջանալ
- խնդիր տալ - խնդրագիր՝ դիմում ներկայացնել
- խնդիր ունենեալ - մի բան խնդրելու հարցնելու մտադրություն ունենալ
- խնդիրը բանալ - որև է բան հայտնել՝ պատմել՝ ասել
- խնդիրը մեկին կլանել - մտատանջության՝ հոգսի մեջ գցել, ամբողջովին զբաղեցնել
- խնդիրը սպառել՝ սպառվել - հարցը լուծել՝ լուծվել, հարցը փակված համարել՝ համարվել
| Հոլովում |
| Եզակի թիվ | Հոգնակի թիվ | |
|---|---|---|
| Ուղղ. | խնդիր(ը) | խնդիրներ(ը) |
| Սեռ. | խնդրի | խնդիրների |
| Տր. | խնդրի(ն) | խնդիրների(ն) |
| Հայց. | խնդիր(ը) | խնդիրներ(ը) |
| Բաց. | խնդրից | խնդիրներից |
| Գործ. | խնդրով | խնդիրներով |
| Ներգ. | խնդրում | խնդիրներում |
| Բաղադրյալ բառեր | |
| Թարգմանություններ | |
Հայերեն
- ՄՀԱ՝ [χndiɾ]
Ստուգաբանություն
խմբագրելԲացատրություն
- (լեզվբ․) լրացուցիչ խնդրյալ խնդրյալ բառ
- տե՛ս լրացում
Հոմանիշներ
խմբագրելԹարգմանություն
|
Աղբյուրներ
խմբագրել- Հ.Զ. Պետրոսյան, Ս.Ա. Գալստյան, Թ.Ա. Ղարագյուլյան, Լեզվաբանական բառարան, Երևան, «Հայկական ՍՍՀ Գիտությունների Ակադեմիա», 1975 — 328 էջ։
- Հարություն Ալեքսանյան, Ելեն Գոլդբերգ, Բարեվարքության եզրույթների բառարան, Երևան, «Էդիթ Պրինտ», 2016 — 128 էջ։